Winner sa Kasadyahan sa Kabanwahanan makabaton sang P10 million nga infra project halin sa Uswag Ilonggo Party-list

ILOILO – Makabaton sang P10 million nga balor sang infrastructure project halin sa USWAG Ilonggo Party-list ang madaug sa Kasadyahan sa Kabanwahanan, isa sa mga highlights sang Dinagyang Festival 2024.

Ini ang gin-anunsyar ni USWAG Ilonggo Party-list Rep. James “Jojo” Ang sa Opening Salvo sang Kasadyahan sa Kabanwahanan sa Iloilo Freedom Grandstand subong nga hapon.

Nagpasundayag naman sang patilaw nga performance ang siyam ka mga tribu nga Kaing Festival sang Leon, Kasag Festival sang Banate, Saad Festival sang Leganes, Katagman Festival sang Oton, Tultugan Festival sang Maasin, Banaag Festival sang Anilao, Cry of Jelicuon Festival sang New Lucena, Hirinugyaw-Suguidanonay Festival sang Calinog, kag Pantat Festival sang Zarraga.

Hiwaton ang Kasadyahan sa Kabanwahan sa Enero 27 nga labing una nga gin-organize sang Iloilo Provincial Capitol.