Amay patay sang ginlabu sang iya bata sa Janiuay
ILOILO— Preso subong ang 27-anyos nga bata sang ginlabo ang iya 56-anyos nga amay sa Brgy. Matag-ub, Janiuay.
Suno kay Police Captain Alwin Salmon, hepe sang Janiuay Municipal Police Station, las-5 kahapon sang hapon sang nagpangsita ang amay nga hubog gani ginsaway sang iya nga bata.
Pero tungod wala nagpamati ang amay suno sa police, nagkuha sang binangon ang bata kag ginlabo ang iya nga amay sa ulo.
Ginhingagaw pa dala sa ospital ang amay pero napatay, suno sa police.
Na-aresto ang suspek kag presu na sa Janiuay Police Station.
Sa pagpangusisa sang police, masami nga naga-inum ang amay kag “masabad” kun hubog.