P3 million nga balor sang suspected shabu na-recover sa magkatuhaw nga buy bust sa siyudad kag probinsya sang Iloilo

Duha ka magkatuhay nga drug buy bust operations ang gin-conduct sang mga operatiba sa siyudad kag probinsya sang Iloilo kahapon, Enero 12.

Na-recover ang P3 million nga balor sang suspected shabu sa mga nadakpan.

Una nga nadakpan sa Barangay Bakhaw, Mandurriao, Iloilo City si Jimmy Andrada nga nakuhaan sang suspected illegal drugs nga nagabug-at sang 200 grams kag nagabili sang P1.3 million.

Nadakpan naman si Genel Delariarte sa Barangay Paloc Sool, Dumangas, Iloilo kag nakuhaan sang P1.7 million nga balor sang suspected shabu.

Suno kay PSSg Terrence John Sorria sang Dumangas MPS, ginserbihan man si Delariarte sang search warrant kag na-recover ang 38 caliber revolver nga may duha ka bala.

Napreso man sang una ang subject tungod sa kaso may kaangtanan sa illegal drugs pero nakaguwa tungod sa plea bargaining agreement. —via Angel Mae Ciudad/Maria Kayla Tingzon