6 ka balay nasunog sa Villa Carolina, Arevalo

ILOILO CITY — Lima ka balay ang totally damaged kag isa ang partially damaged sa nagluntad nga sunog sa Phase 1 Villa Carolina, Yulo, Arevalo, las 12:23 subong nga hapon.

Ang lima ka balay nga totally-damaged ginapanag-iyahan nanday Julius Pancho, Jobert Pancho, Elena Pancho, Ernesto Pancho, kag Jennylyn Blanco. Partially-damaged naman ang balay ni Fanny Valera.

Napilasan si Barangay Kagawad Jeffrey Tan nga nagabulig sa pagpaguwa sang kagamitan sang nakadanlog sa tiles sang isa ka balay.

Suno kay Tan, naghalin sa balay ni Julius Pancho ang kalayo. Nakaguwa man ang tanan nga miyembro sang pamilya sang nagluntad ang sunog.

Ginpahayag naman ni Julius nga wala siya sa ila balay sang natabo ang sunog. Ang asawa niya lang suno sa iya ang nabilin sa ila balay.

Padayon nga ginahibalo ang ginhalinan sang kalayo.