“Miss Universe ang akon nga goal” — Miss Iloilo 2024 Alexie Mae Caimoso Brooks
ILOILO CITY – Madugay na nga handom ni Miss Iloilo 2024 Alexie Mae Caimoso Brooks nga makapasakop sa Miss Universe kag ma-represent ang Pilipinas sa international stage.
“Ever since talaga when I was a child, the dream is to win Miss Universe so I think, Miss Universe gihapon ang akon nga goal. I’m really hoping that they will give me the Miss Universe crown because I would want to represent Iloilo sa Miss Universe, especially sa national [level] and hopefully international [level],” suno kay Brooks.
Sa coronation sang Miss Iloilo 2024 sang Enero 13 sa cultural center sang West Visayas State University (WVSU), ginpahibalo sang host nga subong nga semana, i-anunsyar kun ano nga national pageant ang pasakup sang ginkoronahan kag apat ka mga heartfelt beauties.
Si Brooks ang ginkoronahan sa pageant, samtang heartfelt beauties kanday Hamda Judicpa sang San Miguel, Raniela Louise Aguila sang Cabatuan, Angel Jed Latorre sang Sta. Barbara, kag Nicklyn Jutay sang Tigbauan.
Ang mga nagahulat nga titulo sa lima ang Miss Universe Philippines, Binibining Pilipinas, the Miss Philippines, Miss Earth- Philippines, kag Reyna ng Aliwan.
Base sa bag-o nga pag-sulundan antes makapasakop sa Miss Universe Philippines, kinahanglan sang kandidata nga magdaug sa regional level ukon may appointment halin sa accredited partners sang organization.
