Role, functions sang mga bouncers sa siyudad gintudlo sa 2 ka adlaw nga training

ILOILO CITY—Gintudluan ang mga bouncers halin sa 41 ka mga bars kag resto bars sa syudad sang ila role kag function sa pagbantay sang mga establishments sa syudad.

Suno kay Task Force on Morals and Values Formation head Mr Nestor Canong, indi lang tubtob sa pagbantay sang mga masulod sa bars ang papel sang mga bouncers pati man ang iban nga butang sa pagpasiguro nga safe ang mga customers.

Sa duha ka adlaw nga training sang Iloilo Bar Owners’ Association (IBOA) para sa mga bouncers, gintudlo ang Bouncers Ordinance sang syudad; Law on Arrest and Search; Crime Prevention, Crowd Control & Threat Detection; Communication with Bar Patrons; kag Basic First Aid.

Ginpahanumdom man ang mga bouncers suno kay Canong nga kun may magsinabad sa bars, gilayon ini nga arestuhon kag i-detain.

Ang training suno kay Canong ang isa sa mga pagpanghanda samtang nagahilapit ang Dinagyang Festival.