LokalPulis

Salakyan nga naka-park malapit sa plaza sang Leganes ginbuka ang windshield kag ginkawatan

ILOILO— Nagkalabuka ang windshield sang salakyan kag nagkaladula ang iban nga mga gamit sang gin-park sang tag-iya sa tabok sang Leganes plaza sang Enero 21 sang gab-i.

Suno sa tag-iya sang SUV nga si Toto, gin-park niya lang sa tabok sang plaza ang iya salakyan, sa tupad sang tatlo ka iban pa nga salakyan mga las-5:45 tubtob las-6 sa gab-i agud maglantaw sang presentation sa Saad Festival.

Masanag kag madamo sang nagalabay sa lugar suno kay Toto gani ginbilin niya ang salakyan.

Makaligad ang duha ka oras pagkatapos naglantaw sang presentation, nagbalik siya sa salakyan pero nakibot na lang nga naabtan nga buka na ang windshield sa kilid sang passenger’s seat.

Magluwas sini, nadula man ang sling bag niya nga may card holder kag wallet nga may unod nga cash, kag mga pagkaon nga nabutang sa backseat sang salakyan.

Sa pagpangusisa niya, nagkalabuka man ang windshield sang tatlo pa ka salakyan nga naka-park sa tupad niya.

Posible martilyo ang gingamit sang mga suspect sa pagbuka sang windshield, suno kay Toto.

Nagpasalig suno kay Toto ang Leganes police nga imbestigaran ang natabu matapos niya nga gin-report.

Nagpahanumdom naman si Toto sa publiko nga mag-aligmat kag maghalong.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply