Desinyo sang trophy para sa Dinagyang 2024 “the tallest and one of the heaviest”

Ginpresentar ni Mr. Elvert Bañares, artistic director sang Iloilo Festivals Foundation Incorporated (IFFI) kay Iloilo City Mayor Jerry Treñas ang desinyo sang trophy para sa Dinagyang Festival 2024.

Sa Facebook post, ginpahayag ni Bañares nga ginhimo ni Ilonggo Visual Artist kag Sculptor, Mr. Boy Masculino ang trophy.

“His originally designed assemblage sculptures will be our trophies for this year in all of the competitions. In many ways, the award is a sculpture that’s unique from each other,” suno kay Bañares.

Ini ang pinakamataas kag mabug-at nga trophy para sa grand champion sugod nga gindumala sang IFFI ang Dinagyang Festival.

Ginabantayan na sang mga Ilonggo ang Kasadyahan sa Kabanwahanan sa Enero 27, kag Dinagyang Tribes Competition sa Enero 28 nga highlights sang Dinagyang Festival.