“Rules are rules” — Prof. Eric Divinagracia, artistic director sang Dinagyang Tribes Competition kun ngaa wala nagdaug ang Tribu Silak
May ginasunod nga mga patakaran sa tanan nga tribu nga nagpasakop sa Dinagyang Tribes Competition nga highlight sang Dinagyang Festival kahapon.
Pa-athag ini ni Prof. Eric Divinagracia, artistic director sang Dinagyang Tribes Competition, sa mga nagapamangkot kun nga-a wala nagkampeon ang Tribu Silak sang Iloilo City National High School bisan sila ang nagdaug sang Best in Performance kag Best in Choreography.
“There’s a rule for moving props nga should be 12 feet in height and 10 feet in dimension. May isa ka tribu (Silak) nga ang ila set did not fit the dimension required… Nag-consult kami sa tribu, gin-istorya namon sila, an ocular was made in their presence kag tuod gid man, nagsobra ang iya dimension,” suno kay Divinagracia.
Nakahibalo suno kay Divinagracia ang tanan nga choreographers kag tribe managers sang rules. “Sakit man sa buot namon nga mag-impose sang amo ni pero we agree with the judges that the rules are rules. Kay otherwise what’s the purpose of having them?”
Gin-athag ni Divinagracia nga wala na-disqualify ang Tribu Silak kundi nabuhinan sang points.
Wala suno sa iya nalakip sa top 5 ang Silak tungod daku ang puntos nga ginbuhin.
Base sa rules, 10 points ang ginbuhin sang kada judge sa overall score sang tribu. May 20 ka judges sa Dinagyang Tribes Competition nga ginlapta sa tanan nga judging areas.
Madumduman nga sang Dinagyang 2016, wala nakuha sang Tribu Panayanon nga anay pangalan sang Tribu Silak kag defending champion sang amo nga tiun ang kampeonato tungod sa technicalities sang wala nasunod ang rules sa kadakuon kag kataason sang props. Sa baylo, naagaw sadto sang Tribu Salognon sang Jaro NHS ang championship.
