“Sobra three feet” — Dinagyang 2024 Tribes Competition Artistic Director, Prof. Eric Divinagracia sa uwak nga props sang Tribu Silak

Ginpabutyag ni Dinagyang 2024 Tribes Competition Artistic Director, Prof. Eric Divinagracia nga ang uwak nga props sang Tribu Silak amo ang rason kun ngaa daku ang nabuhin nga puntos sa tribu.

Suno kay Divinagracia, sobra three feet ang ginlapaw sang props sa required dimension nga violation naman sa gintalana nga rules.

Bisan pa nakuha sang Silak ang Best in Performance kag Best in Choreography nga special awards, indi ini gihapon madeklarar nga nagdaug tungod sang violations.