6 pilason sang nagbunggu-anay ang motorsiklo kag tricycle sa Arevalo
ILOILO CITY— Gindala sa ospital ang driver kag apat ka sakay sang tricycle sang nagbunggu-anay sang motorsiklo sa C1 road Brgy San Jose, Arevalo kagab-i, Enero 30.
Suno sa Arevalo police, halin sa Sooc kag padulong sa Arevalo plaza ang tricycle samtang pakadto naman sa opposite nga direksyon ang motorsiklo.
Nag-overtake ang motorsiklo sa ginasundan nga truck kag nakabunggo sa kasugata nga tricycle, suno sa police.
Sa pagpangusisa sang police, naka-inom ang driver sang motorsiklo.
Lunsay pilason ang mga sakay sang tricycle kag motorsiklo.