Balay nasunog sa Passi City
ILOILO — Totally damaged ang balay sa Barangay Mantulang, Passi City sang nasunog kahapon sang aga, Enero 30.
Suno kay Fire Officer 1 Cherry Joy Santiago, arson investigator sang Passi City BFP, wala pa mahibaluan ang ginhalinan sang pagkasunog sang balay nga human sa light materials.
Ginpahayag niya nga wala sang tawo sa balay sang nasunog kaina sang aga.
Sa data, naglab-ut sa P13,500 ang ginbilin nga kahalitanan sang sunog, suno kay Santiago.