ArchivesHeadlineLokal

Grab driver nagbalik sang P100,000 nga nabilin sa iya salakyan

ILOILO CITY — Wala nagsulod sa pinsar sang Grab driver nga taguon ang 100,000 nga kuwarta nga nabilin sang iya pasahero.

Suno kay Glenn Gunay sang Tagbak, Jaro, nagsakay sa Pavia kag nagpadul-ong sa coastal road sa La Paz ang iya pasahero nag Chinese nga lalaki sang Enero 30.

Kinulbaan siya sang nakita ang isa ka bundle nga lunsay P1,000 bill.

Nagtawag man sa iya ang pasahero pero indi sila mag-intiendihanay tungod indi manami ang cellphone signal gani nagbalik siya sa gindul-ungan sa pasahero pero nakalakat na ini.

Gin-turn over ni Gunay ang kuwarta sa operator sang iya salakyan nga gina-drive. Nakig-angut sila sa La Paz police nga amo ang nagbulig agud ma-locate ang pasahero.

Si Gunay nga may asawa kag tatlo ka bata ang isa ka bulan pa lang nga nagabiyahe sang Grab car. —via Junjun Sornito

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply