Salakyan sang LTO nakabunggo sa pribado nga salakyan sa Pavia

Nakabunggo ang salakyan sang Land Transportation Office 6 sa pribado nga salakyan sa C1 Road Brgy. Pandac, Pavia pasado las-8:30 kaina sang aga.

Suno kay Police Corporal Crisande Maquiling, traffic investigator sang Pavia Municipal Police Station, nagasunod ang salakyan sang LTO sa pribado nga salakyan nga halin sa Ungka.

Ginpahayag sang police nga gulpi lang may nagtabok rason nga nag-preno ang driver sang pribado nga salakyan. Nagasunod ang LTO kabangdanan nga na-alang alang ang driver kag nalab-ut ang ulihi nga parte sang pribado nga salakyan.

May inisyal na nga istoryahanay ang driver sang pribado nga salakyan kag ang LTO para sa settlement sa natabo.