Balay sa Passi City nasunog
ILOILO — Partially damaged ang balay nga human sa mixed materials sang nasunog sa Brgy. Agdahon, Passi City kahapon, Pebrero 13.
Suno kay Fire Officer 3 Elvis Aguilar sang Passi City Fire Station, nag-umpisa ang kalayo sa kusina sang balay kag naglaton lang sa sala kag kwarto.
Wala sang tawo ang balay sang nasunog tungod naglakat ang tagbalay, suno kay Aguilar.
Sa initial nga record sang BFP, naglab-ut sa P10,000 ang balor sang kahalitan sang sunog.
Gina-imbestigaran pa subong ang ginhalinan sang sunog.