HeadlinePulis

P5.7 million nga balor sang suspected shabu na-recover sa konduktor sang bus nga nagapasulod sang illegal drugs halin sa Manila-Iloilo

ILOILO— Masobra P5.7 million nga balor sang suspected shabu nga nagabug-at sang 850grams ang na-recover sa drug buy bust operation sa Abeto Mirasol, Mandurriao kagab-i, Pebrero 13.

Ginkilala ang subject sang operasyon kay Federico Villanueva, 44-anyos sang Dungon B, Jaro nga nakaagi naman presu sa kaso may kaangtanan sa illegal drug. Nadakpan man si Gilbert Valdemor, 34-anyos nga taga-Lucena City nga konduktor sang bus.

Suno kay Captain Glen Soliman sang Regional Police Drug Enforcement Unit (RPDEU), magluwas nga konduktor, si Valdemor ang nagaserbe courier nga nagapasulod sang supply sang illegal drugs halin sa Manila pa-Iloilo.

Sa impormasyom ni Soliman, may nagatawag lang kay Valdemor halin sa Muntinlupa kag siya na ang naga-transport sang illegal drugs pakadto sa mga nagahulat nga customers sa Iloilo City.

Kay Valdemor man nagakuha sang supply sang druga si Villanueva kag gina-distribute sa iya mga parokyano.

Magluwas sa Iloilo city, posible ginabagsak man ni Valdemor ang druga sa iban pa nga mga lugar sa Western Visayas ilabe na ang mga malabyan nila sa pagbiyahe, suno kay Soliman.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply