Driver patay sang natumbahan sang ginamaneho nga water tanker sa Calinog

ILOILO– Patay ang driver sang natumbahan sang ginamaneho nga water tanker sa Brgy Agcalaga, Calinog las-kahapon, Pebrero 15.

Suno kay Police Major Fernand Limbungan sang Calinog Municipal Police Station, padulhog na ang tanker halin sa bukid sang naglamsot ang prenu.

Tungod sini, ginpahigad sang driver ang tanker sa kilid sang bukid pero naglapaw kag nahulog sa ginakay-o nga kanal.

Naglumpat ang driver nga si Jose Javier pero naipit sang tanker nga natyempuhan nga natumba. Napilasan sa ulo kag nagkalain-lain nga parte sang lawas.

Napilasan man ang upod ni Javier nga si Ernesto Delarosa.