PBGen Jack Wanky magabulos nga bag-o nga director sang PRO 6

ILOILO CITY – Magapangalagad na bilang bag-o nga director sang Police Regional Office (PRO) 6 si Police Brigadier General Jack Wanky.

Buslan niya si Police Brigadier General Sidney Villaflor nga nagpangalagad sang siyam ka bulan sa PRO 6.

Antes sini, nangin director sang Philippine National Police (PNP) Aviation Security Group (AVSeGroup) si Wanky nga tumandok sang Benguet. Ilongga ang iya asawa.

Nag-graduate si Wanky sa PNPA sang 1992.

Samtang, magapungko naman bilang acting director sang Human Resource and Doctrine Development sang PNP si Villaflor.