Dalagita nga naglumpat sa Cesar Drilon Bridge sang Huwebes liwat naglumpat sa Iloilo River kagab-i

ILOILO CITY —Liwat nga gin-rescue ang 16-anyos nga dalagita nga una na naglumpat sa Cesar Drilon Bridge sang Huwebes sang hapon, Pebrero 15.

Kagab-i, ginpahibalo ang pamilya sang dalagita nga nakita siya sa higad sang suba gani ila ginkadtuan.

Nagdalagan pa ang babaye sang nakita ang iya pamilya, kag diyutayan lang nabungguan sang truck pero nakapreno ang driver.

Sa pagpangusisa sang police, nagasuprer ang dalagita sang postpartum depression tungod bag-o lang nagbun-ag.

Ginpakamaayo sang ginikanan nga dal-on na sa ospital ang dalagita para nga mabulong.

Base sa Mayo Clinic, ang postpartum depression nabatyagan sang pila ka bag-o lang nagbun-ag sa diin naka-experyensya ang iloy sang mood swings, permi nagahibi, ginakulbaan kag nabudlayan magtulog. Ginapanugyan sang Mayo Clinic ang pagpabulong agud nga ma-manage ang mga sintomas.

Ginpabutyag naman sang National Center for Mental Health nga indi lango-lango ang depression gani ginapanugyanan ang nagabatyag sini nga magtawag sa Crisis Hotline # 0966-351-4518; 0917-899-8727 kun luyag nga may ma-istoryahan sang problema. —via Khenjo Terco