Masobra P1 million nga balor sang suspected shabu na-recover sa Molo
ILOILO CITY —Na-recover ang P1,020,000 nga balor sang suspected shabu nga ginabanta nagabug-at sang 150 grams sa drug buy bust operation sa Calumpang, Molo las-2 kahapon sang hapon.
Suno kay Police Lieutenant Colonel Antonio Benitez Jr., head sang City Drug Enforcement Unit (CDEU), una nga na-monitor sa Barangay Boulevard nga subject si alyas Mac-mac tungod didto siya naga-istar pero gulpi lang nadula tungod nagsaylo sang lugar.
Ginpahayag ni Benitez nga magluwas sa mga residente sang Molo, may nagakadto pa gid nga mga indibidwal halin sa iban nga distrito sa syudad para magbakal sang ilegal nga druga.
Dugang pa niya, may gina-contact ang subject para magdul-ong sa iya sang supply pero subject for validation kun sa diin ini nagahalin.
Mga isa na ka bulan nga naga-board sa Calumpang si Mac-mac suno kay Benitez antes siya nga nadakpan. —via Maria Kayla Tingzon