2 patay sa sunog sa San Nicolas, La Paz
ILOILO CITY — Ginkumpirmar ni City Fire Marshall Melanie Habawel nga may duha ka napatay sa sunog sa San Nicolas, La Paz kahapon. Pebrero 18.
Ginkilala ang mga napatay kanday Lyn Rose Sobretodo, 26-anyos nga taga-Pototan kag alyas Renz, 22-anyos sang Concepcion.
Nakuha ang bangkay sang duha sa third floor sang boarding house nga ginapanag-iyahan ni Vincenta Erasmo.
Suno sa caretaker sang boarding house, posible nga natulugan ang duha rason nga wala gilayon makaguwa sang natabo ang sunog.
Natabuan naman nga may ginkadtuan ang caretaker sang nasunog ang boarding house.
Duha ang totally-damaged kag duha ang partially-damaged nga boarding house, kag may isa pa ka balay nga partially-damaged man sa sunog.
Una na ginpahayag sang isa sa mga residente nga may nabatian sila nga babaye nga nagsinggitan kag nangayo sang tabang sang natabo ang sunog.
150 ka mga indibidwal ang nasunugan base sa latest data sang Iloilo City Social Welfare Development Office (CSWDO).
Nagpa-in sang apat ka classrooms ang Graciano Lopez Jaena Elementary School nga magaserbe evacuation center para sa mga nasunugan.
