Masobra P139K ginbilin nga kahalitan sa sunog sa East Timawa, Molo
ILOILO CITY — Naglab-ut sa P139,500 ang initial nga na-record nga kahalitan sang sunog sa Brgy. East Timawa, Molo kahapon, Pebrero 19.
Suno kay Fire Officer 2 John Paquito Verano, imbestigador sang Bureau of Fire Protection-Iloilo City, ini ang base sa BFP Operational Procedures Manual sang kag wala pa nakahatag sang lista ang mga tag-iya balay sang mga nasunog nila nga gamit.
Sa data sang BFP, totally damaged ang balay nga ginapanag-iyahan ni Mary Grace Balino, samtang partially damaged ang balay ni Alberto Dinggol kag nasunog man ang porsyon sang Taal Elementary School.
Naglaton ang kalayo sa eskwelahan suno kay FO2 Verano tungod sang hangin kag heat radiation.
Sa subong, gina-imbestigaran gihapon sang BFP ang ginhalinan sang sunog pero una na nga ginpabutyag sang pila ka mga residente nga nagatiner sa lugar nga may nabatian sila nga lagapok antes nakita nga nag-ibwal ang kalayo.
Ginputyag ni FO2 Verano nga mabudlay sudlon ang lugar tungod makitid ang karsada kag tatlo pa ka hose ang ginpangsugpon nila agud makalab-ut sa fire scene.
Gindeklarar nga fire out las-3:04 sang hapon.
