3 nadakpan sa drug buy bust operation sa Calumpang, Molo
ILOILO CITY — Tatlo ang dakup sa drug buy bust operation sang Police Drug Enforcement Agency 6 sa Zone 7 Calumpang, Molo kagab-i, Pebrero 21.
Ginkilala ang mga nadakpan kanday Jose Tonogbanua, Domingo Losa kag Jeffrey Decena.
Suno kay Kagawad Lourden Lim, madamo na sang gin-conduct nga buy bust operation ang kapulisan sa ila barangay kag kalabanan sa mga nagkaladakpan amo ang naga-board ukon naga-renta sa balay kag ang iban mga pangayaw. Wala nalakip sa listahan sang Barangay Anti-Drug Abuse Council ang mga subject suno kay Lim.
Gin-ako ni Jose nga nakagamit siya sang illegal drugs samtang ang duha nagpamalibad maghatag sang pahayag.
Sa operasyon sang police, na-recover ang lima ka dalagku kag tatlo ka magagmay nga sachets sang suspected shabu nga ginabanta nagabug-at sang 30 grams kag nagabalor sang masobra P200,000.
