P1.2 million nga balor sang suspected shabu na-recover sa drug buy bust operation sa City Proper
ILOILO CITY — Naglab-ut sa P1,224,000 ukon 180 grams sang suspected shabu ang na-recover sang City Drug Enforcement Unit (CDEU) sa apat ka mga nagkaladakpan sa Brgy. Sto. Rosario, Duran kahapon, Pebrero 22.
Ginkilala ang main subject kay Leo Antiquera kag tatlo pa niya nga upod kanday alyas Aichris, Ryan kag Kurt.
Suno kay Police Lieutenant Colonel Antonio Benitez Jr., head sang CDEU, nakaagi na presu may kaangtanan sa illegal drugs ang main subject nga si Leo samtang iya mga kaupdanan may mga nakaligad naman nga kaso.
Sa impormasyon sang police, personal nga nagakadto sa lugar ang mga customers agud mag-transaksyon sang illegal drugs.
Nagtuyo pa magpalagyo si alyas Ryan apang gilayon nga nadakpan sang mga operatiba.
Ginpanginbulahan ni Iloilo City Police Office Director Police Colonel Joeresty Coronica ang tanan nga operating units sa madinalag-on nga operasyon.
