40 ka mga boarding houses sa Iloilo City ginpasiraduhan tungod wala sang permit
ILOILO CITY – Ginpasiraduhan ang 40 ka mga boarding houses sa Iloilo City tungod naga-operate nga wala sang permit.
Base sa ginpaguwa nga closure order nga pirmado ni Mayor Jerry Treñas, 31 ka mga boarding houses ang ginpasiraduhan sa La Paz, walo sa Mandurriao, kag isa sa Jaro.
“In our relentless commitment to safety, we’ve issued closure orders for the first batch of boarding houses operating without permits. We’re stern in ensuring the well-being of our boarders,” base sa statement sang city government.
Nagapadayon ang paglibot sang mga personnel sang Boarding House Commission agud mag-check kun may permit ang mga naga-operate nga boarding houses sa nagkalain-lain nga distrito sa siyudad.
Una na nga natukiban nga wala sang permit ang boarding house sa San Nicolas, La Paz nga nasunog sa diin napatay ang duha ka mga boarders sang Pebrero 18.
