Grade 3 pupil sa San Miguel, Iloilo tinbuyagyag nga tungod sa wala mapasa nga activity ginbinting siya sang iya maestra
ILOILO — Ginsaysay sang grade 3 pupil sang Sta. Cruz Elementary School sa San Miguel, Iloilo ang rason kun ngaa ginbinting siya sang iya adviser sang Miyerkules sang hapon.
Suno kay Alyas Toto, may ginpahimo nga excuse letter ang ila adviser apang wala niya ini matapos sa eskwelahan rason nga gindala niya sa ila balay kag didto gin-obra. Natapos niya man ini apang wala niya mapasa sa iya maestra.
Wala na nag-eskwela kahapon kag kaina si Toto tungod sa kahadlok.
Ginkadtuan sang Aksyon Radyo ang ginareklamo nga maestra agud kuhaan sang statement apang ginpahayag niya nga mapatawag lang siya sang press con.
Una na nagreklamo ang iloy sang estudyante nga napal-it gid ang ibabaw nga parte sang gising-gisingan sang iya bata tungod sa paggan-it sang iya maestra.
Gina-imbestigaran na sang DepEd Division Office ang reklamo.
