1 patay, 1 kritikal sa ospital sang nabun-an sa Santa Barbara, Iloilo

ILOILO — Isa patay kag isa pilason sang nabun-an sa Barangay Balibagan Este, Santa Barbara las-8:15 kagab-i, Pebrero 25.

Suno kay Police Major Jose Rey Pabalan, hepe sang Santa Barbara Municipal Police Station, may nagluntad nga komosyon sa birthday sa diin nabun-an ang magpakaisa nga kanday Jeffrey Songcuya kag Romel Maquiling.

Nakaagum sang walo ka pilas sang pagkabuno sa tiyan si Songcuya nga gindeklarar dead-on-arrival sa ospital samtang kritikal naman si Maquiling nga nabun-an sa wala nga mata.

Ginpahayag ni Pabalan nga wala nadakpan ang suspect pero may yara na sila sang person of interest. May na-recover naman nga kutsilyo sa gintabuan sang insidente.

Padayon ang hot pursuit operation sang Santa Barbara police.