Driver sang motorsiklo patay sang nakabunggo sa concrete barrier sa Pavia

ILOILO — Dead-on arrival sang gindala sa ospital ang driver sang motorsiklo sang nakabunggo sa concrete barrier sa idalum sang Ungka Flyover sa Ungka II, Pavia pasado las-11:50 kagab-i, Pebrero 25.

Suno kay Police Staff Sergeant Ronnie Labiaga, imbestigador sang Pavia Municipal Police station, halin sa La Paz kag papuli na sa Balabag, Pavia ang driver sang motorsiklo sang natabo ang aksidente.

Sa imbestigasyon sang police, nahulog ang kalo sang driver kag ginbalikid niya rason nga nakabunggo sa concrete barrier sa idalum sang Ungka flyover.

Yara sa impluwensiya sang makahulubog nga ilimnon ang driver base sa pagpangusisa sang police.