ArchivesLokal

“Ka sakit batyagon nga gin-utay-utay [ang pagkasapo sang mga parte sang lawas” —Randy Aguilar, amay sang estudyante nga si Renz nga napatay sa sunog sa La Paz

ILOILO – Nagapangayo sang paathag si Mr. Randy Aguilar kun nga-a utay-utay ang pagkasapo sa mga parte sang lawas sang iya bata nga si Renz, ang engineering student nga isa sa duha ka napatay sang nasunog ang boarding house sa San Nicolas, La Paz sang Pebrero 18.

Suno kay Mr. Aguilar, nakita na paghalin sang mga bangkay kun ano nga mga parte ang kulang.

Sang natabu ang sunog, ginpa-cremate sang pamilya ang lawas ni Renz sang Pebrero 19 kag gindala sa ila balay sa banwa sang Concepcion.

Pero nagtawag ang taga-Bureau of Fire Protection sang Pebrero 22 “nga may nabilin pa kuno nga part sang lawas sang akon nga bata. Ang nakita nga nabilin, ang hambal nila didto nila nakuha sa kuwarto sang akon nga bata, amo na siguro ang pamatuod nila nga kay Renz gid to.”

Nakibot si Randy nga may nakita pa gid nga mga parte sang lawas sang Pebrero 24.

“Ka sakit man batyagon nga amo na na ang natabu sa bata ko tapos amo pa na ang ginhimo sa amon bala. Gin-utay-utay… Sang natabu to [ang sunog], paghalin nakita man nila [sang mga otoridad] kun ano ang mga kulang sang lawas,” suno pa kay Randy. —via Aksyon Hotline

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply