1 ka bangkay, 1 ka pilason nasapwan sa Brgy. Camaba-an, San Joaquin
ILOILO —Nasapwan sang mga soldado sang Philippine Army ang isa ka bangkay sang babaye kag isa ka pilason nga babaye sa Barangay Camaba-an, San Joaquin kaina sang aga.
Malapit lang ang Camaba-an sa Barangay Torocadan sa diin nagluntad ang engkwentro sang 61st Infantry Battalion sang Philippine Army kag mga ginapatihan NPA members kahapon sa diin tatlo ka bangkay ang na-recover.
Suno kay Lt. Col J-Jay Javines, spokesperson sang 3rd Infantry Division sang Philippine Army, ang duha nga nakita kaina sang aga amo kanday Rena Rhea Camariosa alyas Kira nga patay na sang nasapwan kag Roshel Nabua Esmediana alyas Michelle/Poleen nga pilason. Si Esmediana, suno kay Javines ang deputy secretary sang Southern Panay Front, Komiteng Rehiyon-Panay (SPF KR-Panay).
Wala pa sang identity sa tatlo ka bangkay nga nasapwan kahapon. —via Angel Mae Ciudad