2 ka manugpangisda na-rescue sang nagkapan ang ila sakayan sa San Joaquin
ILOILO— Na-rescue ang duha ka manugpangisda nga sakay sang nag-capsize nga sakayan sa kadagatan nga sakop sang Brgy. Purok III, San Joaquin las-6:35 kahapon sang aga, Pebrero 28.
Sa report sang Coast Guard Iloilo, nakabaton sang impormasyon ang San Joaquin Sub Station nga may nag-capsized nga sakayan mga 2 nautical miles ang kalayuon halin sa baybay.
Nasalbar ang 55-anyos nga manugpangisda sang Brgy. Masagud, San Joaquin kag ang 54-anyos nga taga-Brgy. Nasipit, San Joaquin.
Ginpahayag sang duha nga nagpalawod sila mga las-3 sang kaagahon kag nakasugata sang mabaskog nga hangin kag nadalagko nga balod.
Gindala sa Rural Health Unit sang San Joaquin ang duha para sa proper medical attention antes ginpapuli.
