HeadlineLokal

4 ka NPA members nga napatay sa engkwentro sa San Joaquin nakilala na

ILOILO — Nakilala na sang Philippine Army ang apat ka mga bangkay sang New People’s Army nga nagluntad nga encounter sa San Joaquin sang Miekules, Pebrero 28.

Sa press release sang 61st Infantry Battalion, 3rd Infantry Battalion sang Philippine Army, ginkilala ang mga napatay kanday Mario Reovoca, squad leader sang Southern Panay Front Komiteng Rehiyon-Panay nga taga- Brgy Alegre, Sebaste, Antique; kag mga miyembro sang grupo nga sanday Patrick Reovoca, sang Brgy. Alegre, Sebaste, Antique; kag Jonathan Sasi, sang Brgy Langca, San Joaquin.

Ang tatlo ka mga bangkay ang una nga na-recover sa encounter site sa Brgy. Torocadan, San Joaquin. 

Kahapon sang aga, Pebrero 29, ginkumpirmar ni Lt. Col J-Jay Javines, spokesperson sang 3rd Infantry Division sang Philippine Army nga na-recover sang mga soldado sa kaiping nga Brgy. Camaba-an ang bangkay ni Rena Rhea Camariosa, deputy secretary sang SPF, KR-Panay nga taga- Brgy Manampunay, Leon.   

Na-aresto man ang pilason nga si Rosel Nabua Esmediana, Squad Member nga taga- Sitio Burak, Brgy Alimodias, Miagao.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply