Mga parte sang lawas ginbilin sa guwa sang NBI Bacolod City
NEGROS OCCIDENTAL —Ginbilin sa guwa sang opisina sang NBI sa Barangay 4, Bacolod City ang sako nga may unod nga wala nga tiil, wala nga butkon kag duha ka dulunggan kahapon sang aga.
Nalakip sa mga parte sang lawas sang tawo ang papel nga may nakasulat nga “William De Arca, NBI PROTECTOR NI HANZ LOPEZ DRUG LORD.”
Ginkumpirmar ni Captain Glenn Montaño, hepe sang Bacolod Police Station 2 nga si De Arca ang empleyado sang NBI.
Samtang gina-validate pa sang Bacolod Police Station 2 kun sin-o si Hanz Lopez. Tungod suno kag Montaño wala sa ila record ang pangalan nga nabutang sa papel nga drug lord.
Wala pa makilala kun kay sin-o ang mga parte sang lawas nga gin cho-chop kag ginsulod sa sako. —via Angel Mae Ciudad
