3 arestado lakip ang barangay official sa drug buy bust sa Desamparados, Jaro

ILOILO CITY — Naglab-ot tanan sa 12 ka sachets sang suspected shabu ang na-recover sa drug buy bust sa Barangay Desamparados, Jaro subong nga hapon.

Ginkilala ang subject kay Client Haotia sang Democracia Jaro, lakip man sa nadakpan si Jerry Ferrer sang Desamparados kag Brgy. Kagawad Joseph Jaleco sang L98, Jaro.

Suno kay Captain Gemil Acuesta, team leader sang CDEU, mga tatlo ka semana ang ila monitoring kay Haotia.

Sa pagpaathag ni Acuesta, conspiracy si Kagawad Jaleco, suno kay Ferrer.

Ginpanginwala naman ni Kagawad Jaleco ang kahilabtanan niya sa illegal drugs.