HeadlineLokal

54 ka mga balay nasunog sa Airport, Mandurriao

ILOILO CITY – 54 ka mga balay ang nasunog sa Zone 1, Brgy. Airport, Mandurriao subong nga aga.

Base sa updated nga listahan sang barangay, 54 ka mga balay ang totally damaged, samtang apat lang ang partially damaged. Suno kay Brgy. Kagawad Reynold Enriquez, gina-validate sang City Social Welfare and Development Office (CSWDO) ang listahan agud may basehan sila sa paghatag sang financial assistance sa mga nasunugan.

Gindesignar nga evacuation center ang Mandurriao Elem. School. Ang mga personnel sang CSWDO ang nagabaton sang mga bulig agud may sistema ang pagpanagtag sa mga nasunugan.

Suno kay Juna Alidron sang CSWDO, magahatag ang CSWDO sang financial assistance kag iban pa nga kinahanglan sa mga nasunugan.

Sa mga luyag naman maghatag sang bulig, puwede nga makakadto sa Mandurriao ES agud direkta nga mahatag sa mga biktima.

Sa data sang BFP Iloilo City, las-7:49 ang fire call kag las-9:01 gindeklarar nga fire out.

Base sa initial nga imbestigasyon sang Bureau of Fire Protection (BFP)- Iloilo City, naglab-ut sa P2,100,000 ang ginbilin nga kahalitan sang sunog.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply