NBI 6 matukod sang task force nga maga-imbestigar sa pagbilin sang mga parte sang lawas sang tawo sa opisina sang NBI Bacolod City
Magatukod sang task force ang National Bureau of Investigation ukon NBI Western Visayas agud imbestigaran ang pagbilin sang sako nga may unod nga utod nga wala nga tiil, wala nga butkon kag duha ka dulunggan sa guwa sang opisina sang NBI sa Barangay 4, Bacolod City sang nagligad nga semana.
Ginpahayag ni NBI 6 director, Atty. Jeremiah Sargado nga magahalin sa regional office ang magabug-os sa task force.
Posible man suno sa iya nga may maupod nga taga-central office agud madasig nga matumod ang nagbilin sang sako kag ma-identify kun sin-o ang nagapanag-iya sang gin-chop chop nga parte sang lawas.
Gin-validate man sang NBI kun sin-o si Hanz Lopez nga ginatudlo drug lord sa papel nga naupod sa sako tungod wala ang iya pangalan sa record sang Bacolod City Police Station 2 suno sa hepe nga si Police Captain Glenn Montaño.
