Iloilo City gov’t nagbakal sang moderno nga sweeper truck
Nagbakal ang Iloilo city government sang moderno nga sweeper truck agud gamiton sa pagpaninlo sa pila ka dalanon sa siyudad.
Ang sweeper truck nga nagabalor sang 5.8 million pesos, may 9-cubic meters nga capacity. May yara man ini sang 2 cubic meter-capacity water tank kag daku nga trash bin nga may kadakuon nga 7-cubic meters.
Duha ka personnel ang kinahanglan sa pag-operate sang truck, ang driver kag ang magadumala sang additional equipment pareho sang sweeper kag trash bin.
Suno kay General Services Office Head, Engr. Neil Ravena, gamiton ang sweeper truck sa pagpaninlo sang Diversion Road, Mandurriao agud indi mabutang sa risgo ang mga street sweepers sa mga nagalabay nga salakyan.