HeadlinePulis

20 nadakpan sa anti-illegal gambling operation sa New Lucena

ILOILO — 20 ang nadakpan sa anti-illegal gambling operation sang New Lucena police sa Brgy. Pasil, New Lucena kagab-i, Marso 7.

Suno kay Police Captain Ryan Orleans, officer-in-charge sang New Lucena Municipal Police Station, naaktuhan nga nagahampang sang color games ang 20.

Nagagamit sang daku nga embudo kag tatlo ka magagmay nga bola, kag magadaug sang kuwarta kun matupa ang bola sa gintay-an nga card.

19 ang mga ginpasakaan sang kaso, samtang gin-turn over sa Department of Social Welfare and Development (DSWD) ang isa ka menor-de-edad. Preso sa New Lucena Police Station ang 19 kag puwede sila makapyansa.

Ginpahayag ni Orleans nga nakabaton sila sang impormasyon halin sa mga pumuluyo gani nag-conduct sang operation.

Nagpaandam siya nga ginabawalan ang kasubong nga mga hampang kun may patad nga kuwarta.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply