Monfort Bridge sa Dingle liwat na nga ma-agyan

ILOILO — Bukas na sa mga motorista ang gin-rehabilitate nga Monfort Bridge sa Camabugan Road sa Dingle sugod subong nga adlaw.

Ang taytay may load limit nga 20 ka tonelada.

Naguba ang Monfort Bridge sang naglaslas ang Bagyo Agaton sang Abril 2022. Nagtuga ini sang daku nga huol sa mga nagatabok ilabe na sa mga estudyante.

May budget nga P57.89 million ang pagkay-o sang taytay.

Ang kontrata sang A.D. Pendon Construction and Supply, Inc. sa rehabilitation nag-epekto sang Setyembre 28, 2022 kag ma-expire kuntani sa Mayo 19, 2023, pero tungod sa concerns sa panahon kag iban nga factors, naglawig ang pagkay-o tubtob Hulyo 18, 2023 apang wala gihapon matapos kag subong nga tuig na nakumpleto ang repair.