5 pilason sang nagbunggu-anay ang duha ka salakyan sa Pototan

ILOILO — Ginpangdala sa ospital ang mga sakay sang duha ka mga salakyan nga nagbunggu-anay sa Barangay Dawis, Pototan las-12:30 kahapon sang kaagahon, Marso 9.

Suno kay PSSg Robert Sambles Jr., unconscious ang driver sang SUV kag ang menor-de-edad nga lalaki nga iya upod sa salakyan sang gindala sa ospital.

Conscious naman ang mga sakay sang Toyota nga salakyan apang may mga kapilasan.

Base sa imbestigasyon sang Pototan police, halin sa Iloilo City kag pakadto sa direksyon sang Dingle ang SUV.

Halin naman sa Capiz pakadto sa Iloilo City ang Toyota nga salakyan.

Sa subong, indi pa gid matumod sang Pototan police kun sin-o ang may sala sa natabu.

Gina-check pa suno kay PSSg Sambles ang mga CCTV cameras antes ang pagbunggu-anay sang duha ka salakyan. — via Aksyon Angel Mae Ciudad