HeadlinePulis

Babaye nga negosyante sa Passi City patay sang gintiro

ILOILO — Patay si Rosella Andrada, 36 anyos, sang Man-it, Passi City, sang gintiro samtang nagabantay sa iya baligyaan sa Brgy. Sablogon, Passi City mga 7:40 kaina sang aga.

Suno sa timbang ni Andrada, nagbakal pa ang lalaki nga gunman. Isahanon ang suspek nga nakasuksok sang helmet kag nagsakay sa motorsiklo pagkatapos gintiro ang biktima.

Nagdumdom ang timbang nga ordinaryo nga customer lang ang suspek sang nagbakal sang kamatis, carrots kag canton. Sang nagsulod sa tindahan ang lalaki, naglaum ang timbang nga mabayad ini pero nakibot siya sang nakabati sang sunod-sunod nga lupok antes nagpalagyo ang suspek.

Suno naman kay Cecilia nga tiya ni Andrada, wala siya sang ideya kun nga-a ginpatay ang iya hinablos tungod mabuot kag maalwan ini sa ila lugar sa Brgy. Man-it, Passi City.

Posible suno kay Cecilia nga may kaangtanan sa negosyo sang iya hinablos ang krimen. Posible suno sa iya nga ginhisaan ang biktima tungod nagdaku ang iya negosyo sa diin bulto-bulto nga utanon ang iya ginabaligya.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply