17 ka inugbulang nga manok ginkawat sa Oton
ILOILO— Nadula ang 17 ka inugbulang nga manok sa manokan sa Brgy. Sta Rita, Oton.
Suno kay Joseph Cañon, utod sang tag-iya sang manokan, mamubod na kun tani sang manok ang nagabantay las-6 kahapon sang aga, Marso 11 sang natukiban nga kulang na ang ila mga manok.
Magluwas sini, nakita man niya nga nagkala-utod na ang higot sa manok kag naguba man ang kudal sang ila manokan nga human sa barbed wire.
Ginpabutyag naman sang manugbantay nga si Christopher nga las-10 na siya sang gab-i naghalin sa manokan kag las-4 na sa kaagahon nagbugtaw.
Posible ginbantayan lang siya sang mga suspetsado kag amo ang pagkuha sang manok, suno kay Christopher.
Wala niya nakita ang mga nagkuha sang manok tungod ginabanta sa 50 meters ang kalayuon sang iya ginatulogan sa manokan.
Gin-report na sang tag-iya sang manokan ang insidente sa police.
Sa pagkahibalo ni Cañon, may ginkawatan man sang kanding sa pihak nga barangay sang nagligad nga semana.
