Lima ka kaso sang sunggo ukon pagdugo sang ilong na-record sa Iloilo Central Elem. School
ILOILO CITY — Naka-record sang lima ka kaso sang pagkasunggo ukon pagdugo sang ilong subong nga tag-ilinit ang Iloilo Central Elementary School. Apat diri ang estudyante samtang isa ang manunudlo.
Suno kay Dr. Susana Villa, principal sang eskwelahan, indi na bag-o ang kaso sang pagkasunggo kag iban pa nga masakit sa mga estudyante sa tiun sang tag-ilinit.
Matandaan sang nagligad nga tuig sa amo man nga mga tiniun, naka-record sang apat ka estudyante nga nagkasunggo tungod sa tuman ka init nga tyempo ang eskwelahan.
Magluwas diri, tatlo naman ka estudyante ang nagbatyag kag madamo sang na-record nga nagapakita sang sintomas sang trangkaso.
Nagapanghanda ang eskwelahan agud indi na madugangan pa ang numero sang nagakasunggo subong nga tag-ilinit. — via Aksyon Marvin Malificiar
