Medyas nga ginhaboy sa sulod sang Ungka BJMP sa Jaro may sulod nga duha ka sachets sang illegal drugs
ILOILO CITY — Ginkumpirmar ni Atty. Jairus Anthony Dogelio, warden sang BJMP Ungka, Jaro nga may na-intercept sila nga duha ka sachets sang illegal drugs nga nakasulod sa medyas nga ginhaboy sa sulod sang ila facility mga pasado las 7 kaina sang aga.
Suno kay Dogelio, malapit sa tower guard nagtupa ang medyas rason nga nakita gilayon sang naga-duty.
Dugang pa ni Dogelio nga personal niya nga ginbuksan ang medyas kag nakita niya ang plastic nga color green nga baso, may unod nga kaha sang sigarilyo nga nasudlan sang duha ka sachets sang illegal drugs.
Gin-turn over ni Dogelio sa Jaro PNP ang illegal drugs nga na-recover.
Suno kay Dogelio, plano nga pagpalusot ang paghaboy sang medyas nga may unod nga illegal drugs.
