Mekaniko patay sang naipit sang duha ka truck sa Anilao
ILOILO- Patay ang 41-anyos nga mekaniko sang naipit sa elf truck kag dropside truck sa Brgy. Badiang, Anilao kahapon, Marso 13.
Ginkilala ang napatay kay alyas Dondon sang Brgy Aldeguer, Sara.
Suno kay Police Captain Jesse Letaña sang Anilao Municipal Police Station, na-abiriya ang dropside truck nga may karga nga mga semento gani gin-rescue sang elf truck.
Pag-abut sa lugar, nagplastar sa unahan sang dropside truck ang elf truck.
Base sa imbestigasyon, ginmaneho ni alyas Piay ang elf truck kag imbes nga mag-abante, nag-reverse ini kag naipit si Dondon nga nagatindog sa tunga sang duha ka truck
Nagalantaw lang kun tani si Dondon kun ano ang guba sang truck pero gulpi lang siya naipit.
Gindala pa sa ospital ang mekaniko pero napatay.
Gin-detain sa Anilao Municipal Police Station ang si alyas Piay.
