HeadlineLokal

Iloilo City nominado para sa UNESCO World Heritage Site

Nominado ang siyudad sang Iloilo para sa United Nations Educational, Scientific and Cultural Organization ukon UNESCO World Heritage Site.

Suno kay Iloilo City Mayor Jerry Treñas, nalakip ang makasaysayan nga Calle Real sa tentative list sang mga nominado para sa UNESCO World Heritage Site designation.

Tungod sini, may posibilidad suno sa iya nga mangin una nga siyudad ang Iloilo City nga may Calle Real nga na-identify sang UNESCO.

Nahamtang ang Calle Real sa downtown area tungod sang mga ginpreserbar sini nga colonial-era buildings nga gintukod pa sang Spanish kag American colonial periods.        

Sa website sang UNESCO, gindesignar sang Iloilo City government nga heritage zone ang Calle Real kag gindeklarar naman nga district kag heritage zone sang National Historic Commission of the Philippines ukon NHCP. — via Iloilo City government

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply