Grass fire nagluntad sa Tanza Esperanza, City Proper
ILOILO CITY — Nasunog ang porsyon sang kahilamunan sa bakante nga lote sa Tanza Esperanza subong nga hapon.
Suno sa trabahador sang isa ka building, gulpi lang nga nag-ibwal ang kalayo sa likod sang building.
Nagbuligay ang mga taga-BFP kag fire volunteer groups sa pagpalong sang kalayo agud indi na maglab-ut sa pamalay.
Matapos napalong ang kalayo, nakita ang patay na nga daku nga man-og nga nagalaba sang ginabanta duha ka dupa.
Una na nga nagpa-andam ang BFP 6 sa publiko nga mag-alerto tungod sa posibilidad nga magluntad ang sunog ilabe na subong nga tuman ka init sang tiempo.
