5 ka tuig nga bata nga babaye patay sang nasunog ang ila balay sa Anilao
ILOILO —Patay ang lima ka tuig nga bata nga lalaki samtang napaso ang iya iloy sang nasunog ang ila balay sa Barangay Badiang, Anilao kagab-i, Marso 19.
Totally-damaged ang balay nga ginapanag-iyahan ni Jessa Martinez.
Suno kay Police Captain Jesse Lepaña, hepe sang Anilao Police Station, nagakatulog ang pamilya Martinez sang nasunog ang ila balay.
Ginpahayag ni Lepaña nga nakaguwa gilayon ang apat ka kabataan sang mag-asawa magluwas lang sa lima ka tuig nga nagakatulog.
Gintinguhaan pa ni Jessa nga luwason ang iya bata rason nga napaso ang iya kamot kag tiil.
Suno sa bana ni Jessa, temprano pa siya nagdigamo kag pagkatapos panyapon nagtulog sila gilayon.
Wala sang kuryente ang balay sang nasunog.
Gina-imbestigaran pa kun ano ang ginhalinan sang sunog.