Mga drivers sang modernized jeep dapat magpaidalum sa retraining sa traffic discipline agud malikawan ang aksidente sa dalan

ILOILO CITY – Dapat magpaidalom sa retraining may kaangtanan sa traffic discipline ang mga drivers sang modernized jeepneys sa Iloilo City agud malikawan ang aksidente sa dalan.

Sa statement nga ginpaguwa ni Mayor Jerry Treñas, pangunahan sang Land Transportation Office (LTO) kag Iloilo City Traffic Management Unit (ICTMU) ang retraining sang mga drivers sang modernized jeepneys.

Ginhimo niya ang pahayag sang napatay ang call center agent sang nabungguan sang modernized jeepney sa Megaworld sa Mandurriao kaina sang aga.

Suno kay Treñas, ginakasubo niya ang insidente tungod sa natabo. Nagpasalig siya nga mabulig ang siyudad sa burial expenses sang biktima.

Nagatabok sa pedestrian lane ang biktima sang nabungguan sang modernized jeep. Gindala pa siya sa ospital pero wala natabangan.