HeadlineLokal

Pagdagsa sang mga deboto kag turista sa “Pagtaltal sa Balaan Bukid” ginapreparahan sang LGU Jordan kag Guimaras Prov’l Tourism Office

Ginpaaabot sang local government unit sang Jordan kag Guimaras Provincial Tourism Office ang pagdagsa sang mga deboto kag turista aa “Ang Pagtaltal sa Balaan Bukid” sa semana santa.  

Tungod sini, nagapanghanda na ang Jordan Police kag Philippine Coast Guard Iloilo station sang ipatuman nga security measures lakip ang deployment sa Balaan Bukid kag mga pantalan pasulod kag pagguwa sa Guimaras.

Suno kay Commander Patermino Belarmino, Jr. sang Coast Guard Iloilo, iga-finalize na lang sang PCG, PNP kag iban nga stakeholders ang security measures subong nga semana.  

Apang gin-athag ni Belarmino nga pareho gihapon nga security measures ipatuman subong nga tuig.

Ginhalimbawa niya ang hugot nga pagbantay sa entry point sa Parola Wharf padulong sa Guimaras.

Lantawon naman sang PCG kun pahanugutan sang Maritime Industry Authority ukon MARINA ang las-4 sa kaagahon nga first trip kag las-12 sa tungang gab-i nga last trip sang mga fiber boats pabalik sa Iloilo sa Biyernes Santo. — via Aksyon Marvin Malificiar

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply